၁၃၇၆-ခုနှစ်၊ မြတောင်ကျောင်းရဲ့ ပုံရိပ်များ .....

ညီမလေးသို့ အလွမ်းပြေ (သို့) ကံကြမ္မာကို အနိုင်တိုက်ခြင်း .....

         နှစ်က ၁၃၇၆-ခုနှစ်၊ လက တန်ဆောင်မုန်း၊ နေ့ရက်က လဆန်း (၁၂) ရက်၊ တနင်္လာနေ့၊ အချိန်က နံက်

(၁၀) နာရီကျော်ကျော်။ ဒါက လက်တွေ့အချိန်၊ လက်တွေ့ လုပ်ဆောင်နေတဲ့ ကာယအလုပ်။ ဒါပေသည့် စိတ်က ဟိုးလွန်ခဲ့တဲ့ အနှစ်ဆယ်ကျော် ညီမလေးတို့ သုံးတန်း လေးတန်း အရွယ်ကပေါ့ကွာ ....
         ညီမလေးတော့ မှတ်မိမယ် မထင်ပါဘူး။ ဘုန်းဘုန်းက EPC ကုန်းပေါ်မှာ ဆွမ်းခံကြွတယ်လေ။ တစ်နေ့
ဖြစ်ချင်တော့ အဲဒီEPCကုန်းပေါ်မှာ သာရေတစ်ခု ရှိတယ်။ ဒေသထုံးစံအရ သာရေးအိမ်မှာ လူတွေစုပုံနေ
တော့ ဘုန်းဘုန်း ဆွမ်းမရခဲ့ဘူးလေ .....
         EPC ကုန်းပေါ်ကဆင်းတော့ ညီမလေးတို့အိမ်ပေါ့။ ညီမလေးတို့အိမ်ရောက်တော့ ညီမလေးရဲ့အစ်မ
သော်သော်က ဆွမ်းလည်းမပါဘူးဆိုပြီး ပန်းကန်ပြားကြီးနဲ့ လောင်းထည့်လိုက်တယ်လေ ...။ ညီမလေးတို့ အိမ်ကလည်း ဆင်းရဲတယ်လေ။ ဆွမ်းကို အဲဒီလို လောင်းနိုင်ပေမဲ့ ဆွမ်းဟင်းကတော့ ချင်ရေဟင်းလေး
တစ်ခွက်ထဲပေါ့ ...။ နောက်ထပ် ဆွမ်းခံအိမ် သုံးအိမ်ရှိပေမဲ့ အစ်ကို ဘုန်းဘုန်း ဆက်မကြွရဲခဲပါဘူး ညီမလေး
ရယ်။ အဲဒီအချိန်တုန်းက ညီမလေးတို့နဲ့က အခုလို မခင်ကြသေးဘူးလေ။











         လူတစ်ယောက်ရဲ့ ကံကြမ္မာ ရှုံးနိမ့်မှုဒဏ်ဟာ ဘယ်လောက်ထိ ပြင်းထန်ခဲ့သလဲဆိုရင် အခုစာရိုက်
နေတဲ့အချိန်မှာတောင် မမြင်တစ်ချက် မြင်တစ်ချက်နဲ့ ရိုက်နေရတာပါ ညီမလေးရာ ....
         အဲဒီနေ့က အစ်ကိုဘုန်းဘုန်း ဆွမ်းစားကျောင်း မတက်ရဲခဲ့ဘူး။ ဆွမ်းစားကျောင်းမတက်လို့ နှင်ချရင်လဲ
ပြန်မယ်ဆိုတဲ့ ဆုံးဖြတ်ချက်နဲ့ သူငယ်ချင်းတွေရဲ့ မမြင်ကွယ်ရာမှာ နှစ်ကျပ်တန် လ္ဘက်ပဲကြော်လေး တစ်ထုတ်နဲ့ ဆွမ်းတနပ်စာခရီးကို ဖြတ်သန်းခဲ့ရပါတယ်။
         အဲဒီ ကျေးဇူးတရားတွေကို အစ်ကိုကြီး ဘယ်တော့မှ မမေ့ပါဘူးကွာ .......
         စည်းကမ်းပျက် ကျောင်းသားတစ်ဦးဆိုတဲ့ သူငယ်ချင်းတွေရဲ့ အကြည့်နဲ့ ကံကြမ္မာမွဲတဲ့ လူသားတစ်ဦး
အဖြစ်ကို ဖုံးကွယ်ချင်တဲ့ မိမိရဲ့ အတ္တတရားတွေဟာ တကယ့်ကို ပြင်းထန်စွာ ပူလောင်စေခဲ့တာပါ ညီမလေးရာ။


         အဲဒီအချိန်ကစပြီး လူဆိုတာ အတိတ်ကံတစ်ခုတည်းကိုသာ အမှီပြုရတဲ့ သတ္တ၀ါသက်သက်လား ... ဆိုတာ ကိုယ့်ကိုယ်ကို မေးခွန်းထုတ်ဖြစ်ခဲ့တယ်။ အဲဒီက ရလာတဲ့ အဖြေကြောင့်ပဲ အစ်ကိုဘုန်းဘုန်းဟာ
ဒီနေ့ထိ ``စွမ်းနိုင်သမျှ  စွန့်လွှတ်မှုအလံ´´ကို စိုက်ထူခဲ့တာပေါ့ ....
         ဟုတ်တယ် ညီမလေးရေ .... စွန့်လွှတ်မှုကင်းမဲ့လာခြင်းဟာ ဘ၀တစ်ခြမ်းသေခြင်းပါပဲကွာ ...
         ဘာပဲဖြစ်ဖြစ်ပေါ့ ညီမလေးရာ ဒီနေ့တော့ သွေးသားမတော်စပ်ပေမဲ့ မိသားစုဝင်တစ်ဦးအနေနဲ့ ညီမလေးတို့ မိသားစုရဲ့ ကထိန်မင်္ဂလာပွဲလေးမှာ သင်္ကန်း (၁၅) စုံ ကျေးဇူးဆပ်ခွင့်ရလိုက်တဲ့အတွက် ၀မ်းသာမိသလို ဆွမ်းတစ်ပန်းကန်ပြားနဲ့ ချင်ရေဟင်းတစ်ခွက်ကို သတိရမိလို့လဲ အလွန်ဝမ်းနည်းမိပါတယ်။
         ဒီနေ့ ဒီအချိန်မှာတော့ ကံကြမ္မာကို အနိုင်မတိုက်နိုင်ဘူးဆိုရင်တောင် မိမိကံကြမ္မာကို မိမိရင်ဘောင်
တမ်းနိုင်ခဲ့ပါပြီ ....။ မပေါပေမဲ့ မရှားတဲ့ ဘ၀တော့ ရောက်လာပြီပေါ့ ညီမလေးရယ် .....
         ဦးဇင်းရဲ့ ဒီဖြစ်စဉ်လေးကို ကြည့်ပြီး ညီမလေးနဲ့တကွ အားလုံးပဲ သံဝေဂပွားပြီး စွန့်လွှတ်နိုင်ကြပါစေ- ဟု ဆန္ဒပြုရင်း ......
                                                                                              အရှင်သီလာစာရ၊ မြတောင်ကျောင်း
                                                                                                   (3.11.2014) တနင်္လာနေ့

(တစ်စ တစ်စ၊ စွန့်ဝံ့မှလျှင်၊ ဘ၀နောက်နှောင်း၊ ဆက်တိုင်းကောင်း၏)

*****သင့်အဖေ*****

*****သင့်အဖေ*****


သင့်ကိုကိုယ်ဝန်စရှိကာစက သင့်အဖေသောက်နေကျ ဆေးလိပ်အားဖြတ်ခဲ့ပေမည်

သင်အသက်တစ်နှစ်ပြည့်သောအခါ သင့်အဖေလက်ဘက်ရည်ဖိုးကိုလျှော့နေလောက်ပြီ

သင်ငါးနှစ်လောက်ရှိသော် သင့်အဖေ သင့်ကျောင်းစရိတ်အတွက် အင်္ကျီအသစ် ပုဆိုးအသစ်မဝယ်ဖြစ်တော့

သင်ဖျားနာသောအခါ အလုပ်ပင်ပန်းတာတောင် ဂရုမစိုက်နိုင်
သင့်အနားမှာ မိုးလင်းအထိသင့်လက်ဖဝါးများအားကိုင်ပြီး ညလုံးပေါက်ဂရုစိုက်နေပေလိမ့်မည်

သင့်တက္ကသိုလ်ရောက်သောအခါ သင့်အတွက် ရှိစုမဲ့စု ဂုဏ်သိက္ခာကိုချိုးနှိမ်ပြီး သင့်အမှတ်များ သင့်ဆိုးသွမ်းမှုများအတွက် ကျောင်းအုပ်ကြီးထံအယူခံဝင်ရဦးမည်

သင်အိမ်ထောင်ကျသော် "ငါတော့မိဘဝတ္တရားကျေပါပြီ" ကြံဖန်ဝမ်းသာပေလိမ့်ဦးမည်

သင်ကလေးတွေရသော် သင်၏ရင်သွေး သူ၏မြေးအား သင့်ကဲ့သို့ပင် အချစ်ပိုလိမ့်ဦးမည်

သင်သည် ဒီအချိန်ထိ သင်မိဘတစ်ဦးသာဖြစ်သွားပေမည်
သင့်မိဘများကိုရော ကျေးဇူးဆပ်ပြီးပြီလား

ကြွေးမြီသစ်ကိုမတည်မီ ကြွေးဟောင်းကိုရော ရှင်းပြီးပါရဲ့လား

နောက်ဆုံး
"ဘယ်တော့မှပြန်မတောင်းတတ်တဲ့အကြွေးက မိဘကျေးဇူးကြွေး "ဆိုတာလဲ သင်နားလည်ပါစေ

အားလုံး မိဘကျေးဇူးဆပ်နိုင်ကြဖို့
မမေ့ဖို့ ရည်ရွယ်ပါတယ်

တေလေဂျပိုး

*****ဖိနပ်တစ်ရံ ပြည့်အောင် လွတ်ချခဲ့ပါ*****

*****ဖိနပ်တစ်ရံ ပြည့်အောင် လွတ်ချခဲ့ပါ*****
ဂန္ဓီရဲ့ ဖိနပ်တစ်ရံ အမည်ရ စာတိုလေးကို စာဖတ်သူတို့ သိရှိ ဖတ်ဖူးမယ်လို့ ယုံကြည် ပါတယ်။ နယ် တစ်နယ်ကို ခရီးသွားဖို့ ရထားပေါ် အတက်မှာ ဖိနပ်တစ်ဖက် ကျသွားပါတယ်။ ဒါနဲ့ တစ်ရံ ဖြစ်သွားအောင် ဆိုပြီး ကျန်နေတဲ့ တစ်ဖက်ကိုပါ ပစ်ချခဲ့ ပါတယ်။ ယင်းဖြစ်ရပ်ကို မြင်တဲ့ ဘေးက ခရီးသည်က မေးတော့ သူက ဖြေတယ်။ ကောက်ရတဲ့သူ စီးလို့ ရအောင်ပါတဲ့။
ယနေ့ လူမှုဘဝမှာလည်း ဒီလိုပါပဲ မိတ်ဆွေတို့..။ မိမိက အရာ တစ်ခု၊ အခွင့်အရေး တစ်ခု ရပြီးမှ အကြောင်းအမျိုးမျိုးကြောင့် ဆုံးရှုံးရတော့မယ် ဆိုရင်၊ ပြန်လည်း ရဖို့ မသေချာတော့ရင် တစ်ဖက်က ရမယ့်သူ အတွက်သာ အကောင်းဆုံး ဖန်တီးပေးလိုက်ပါ။ ဖြည့်ဆည်းပေးလိုက်ပါ။ ဖိနပ်တစ်ဖက် တည်း ချန်ထားတော့ရော သင့်မှာ ဘာထူးသွားသလဲ။ ကျခဲ့တဲ့ တစ်ဖက်လည်း အကျိုးမရှိ အမှိုက်ပုံးထဲကိုသာ ရောက်သွားမှာပါ။

သင့် ချစ်သူ အကြောင်းအမျိုးမျိုး သင့်ဆီ ပြန်မလာနိုင်တော့ရင် ဖြတ်မရတောင် မချည်နှောင်ပါနဲ့။ ဓားနဲ့လည်း မထိုးပါနဲ့။ မိမိကိုယ်ကိုလည်း သေကြောင်း မကြံ ပါနဲ့။ လက်နှစ်ဖက်စလုံး လွတ်ပေးလိုက်ပါ။ မိမိရဲ့ နှမြောစိတ်၊ လောဘစိတ်၊ အတ္တစိတ်က ငရဲဆီကိုသာ ခေါ်ဆောင်သွားပါလိမ့်မယ်။ ဘယ်တော့မှ မလုပ်ပါနဲ့။

အချစ်ရေးမှာတင် မကပဲ အခြား လူမှု ဘဝတွေမှာပါ တစ်ခါ တစ်လေ ကျရင် မိမိရဲ့ လိုချင် တက်မက်စိတ်၊ နှမြောတွန့်တိုစိတ် များကို ဖျောက်လို့ တစ်ဖက် အတွက် ဘာလုပ်ပေးနိုင်မယ် ဆိုတဲ့ ပရ စိတ်လေး ထားရှိဖို့ လိုအပ် ပါတယ်။ တစ်ရံ ပြည့်အောင် ပစ်ချခဲ့ပါ မိတ်ဆွေတို့..

အောင်ခမ်း (ရိုးရာလေး)

 

***** နိုဘယ်ဆုစတင်သူ အဲဖရက်နိုဘယ် *****

***** နိုဘယ်ဆုစတင်သူ အဲဖရက်နိုဘယ် *****
နိုဘယ်ဆုဆိုတာကို ကောင်းကောင်းကြီးကြားဖူးမှာပါ
နိုဘယ်ဆုဆိုတာ အဲဖရက်နိုဘယ်ဆိုတဲ့ ပုဂ္ဂိုလ်ကြီးက စတင်တည်ထောင်ချီးမြှင့်ပေးခဲ့တာလို့လည်း သိကြပါတယ်။ ဒါပေမယ့် အဲဖရက်နိုဘယ်ဆိုတာ ဘာလဲ၊ ကျွန်တော်တို့ ကောင်းကောင်းမသိကြပါဘူး။
အဲဖရက်နိုဘယ်ဆိုတာ ယနေ့ခေတ်လူ ကျွန်တော်တို့အတွက် သူတော်ကောင်းတစ်ယောက်ဖြစ်ပေမယ့် သူ့ခေတ်သူ့အခါက လူတွေအတွက်တော့ သူဟာ ဗီလိန်တစ်ယောက်ဖြစ်ခဲ့ဖူးပါတယ်။
အဲဖရက်နိုဘယ်ကို ၁၈၃၃ခုနှစ်မှာ ဆွီဒင်နိုင်ငံ၊ စတော့ဟုမ်းမြို့မှာ မွေးဖွားခဲ့ပါတယ်။ အဲဖရက်နိုဘယ်ဟာ သားသမီးရှစ်ယောက်ရှိတဲ့ မိသားစုမှာ လေးယောက်မြောက်သားဖြစ်ပါတယ်။

အဲဖရက်နိုဘယ် အသက်ကိုးနှစ်အရွယ်မှာတော့ သူတို့မိသားစုဟာ ဆွီဒင်ကနေ ရုရှားနိုင်ငံ၊ စိန့်ပီတာစဘတ်မြို့ကို ပြောင်းရွှေ့နေထိုင်ခဲ့ကြပါတယ်။ အဲဖရက်ရဲ့ ဖခင်ဖြစ်သူ အီမန်နြူရယ်နိုဘယ်ဟာ တီထွင်သူအင်ဂျင်နီယာတစ်ယောက်ဖြစ်ပြီး စိန့်ပီတာစဘတ်မြို့မှာ တော်ပီဒိုထုတ်လုပ်တဲ့ လုပ်ငန်းတွေ လုပ်ကိုင်နေတာကြောင့်ဖြစ်ပါတယ်။

အဲဖရက်တို့ညီအစ်ကိုတတွေဟာ ရုရှားနိုင်ငံမှာ နေထိုင်တဲ့ နိုင်ငံခြားသားကလေးတွေဖြစ်နေတာမို့ ရုရှားစာသင်ကျောင်းတွေမှာ တက်ရောက်ပညာသင်ကြားနိုင်ကြခြင်းမရှိတဲ့အတွက် အိမ်တွင်းမှာပဲ အိမ်တွင်းပညာရေးကို သင်ယူခဲ့ကြရပါတယ်။ ဆရာတွေကို အိမ်မှာ ခေါ်ယူသင်ကြားစေခဲ့တာပါ။
လာရောက်သင်ကြားပေးတဲ့ ရုရှားဆရာတွေထဲက တစ်ဦးကတော့ ရုရှားပညာရှင်ကြီးဖြစ်ပြီး အော်ဂင်းနစ်ဓာတုဗေဒပညာရပ်ရဲ့ ဖခင်ကြီးလည်းဖြစ်သူ နီကိုလိုင် နီကိုလာရဲဘိခ်ျ ဇီညင်ဖြစ်ပါတယ်။

ဆရာကြီးဟာ အဲဖရက်ရဲ့ ဓာတုဗေဒလက်တွေ့စမ်းသပ်မှုတွေကို စိတ်ဝင်စားလျက်ရှိခြင်းအား တိုးမြင့်လာစေခဲ့ပြီး အဲဖရက်ကို နိုက်ထရိုဂလစ်စရင်းနဲ့ ၄င်းရဲ့ ပေါက်ကွဲနိုင်စွမ်းဂုဏ်သတ္တိတွေအကြောင်း ပြောပြရှင်းလင်းနားလည်စေခဲ့ပါတယ်။

အသက်၁၆နှစ်အရွယ်ရောက်တဲ့အခါမှာ ဓာတုဗေဒကို စိတ်ဝင်စားသူလူငယ်ကလေး အဲဖရက်ဟာ ဥရောပမှာ ပညာသင်ကြားဖို့ ထွက်လာခဲ့ပါတယ်။ သူဟာ ဒိန်းမတ်၊ ဂျာမနီ၊ အီတလီ၊ စပိန်၊ အမေရိကန်စတဲ့ တိုင်းပြည်တွေကို လှည့်လည်သွားလာခဲ့ပြီး များစွာသော ထင်ရှားကျော်ကြားတဲ့ သိပ္ပံပညာရှင်တွေနဲ့ တွေ့ဆုံဆည်းပူးခွင့်တွေ ရရှိခဲ့ပါတယ်။

ပညာသင်ကြားခြင်းများ ပြီးဆုံးတဲ့အခါမှာတော့ အဲဖရက်ဟာ ရုရှား၊ ပြင်သစ်နဲ့ အီတလီနိုင်ငံတွေမှာ သူ့ရဲ့ ဓာတုဗေဒသုတေသနလုပ်ငန်းတွေကို အကောင်အထည်ဖော်ပါတယ်။ အဓိက ကတော့ နိုက်ထရိုဂလစ်စရင်းအကြောင်း လက်တွေ့စမ်းသပ်ခြင်းတွေပါပဲ။ လက်တွေ့စမ်းသပ်မှုတွေဟာ အသက်အန္တရာယ်နဲ့ လက်တစ်ကမ်းဖြစ်ပေမယ့် အဲဖရက်က မလျှော့သောဇွဲ၊ မြဲမြံတဲ့ လုံ့လနဲ့ အစဉ်တစိုက် လုပ်ကိုင်နေခဲ့ပါတယ်။

များစွာသော စမ်းသပ်လုပ်ကိုင်မှုများအပြီးမှာတော့ အဲဖရက်ဟာ ပေါက်ကွဲအားပြင်းထန်တဲ့ ဒိုင်းနမိုက်ဆိုတဲ့ ပစ္စည်းတစ်မျိုးကို တီထွင်တည်ဆောက်နိုင်လိုက်ပါတော့တယ်။
အဲဖရက်ဟာ ဒိုင်းနမိုက်ကို တီထွင်နိုင်ပြီးတဲ့အခါမှာပဲ ထိုခေတ်က လူ့အဖွဲ့အစည်းဟာ သူ့တီထွင်မှုကို ရန်လိုစွာ၊ မလိုလားစွာ တုန့်ပြန်ခဲ့ကြပါတယ်။

တကယ်တော့ ရထားလမ်း၊ အဝေးပြေးလမ်း၊ လိုဏ်ခေါင်းများနဲ့ ရေနံတူးဖော်ရေးလုပ်ငန်းတွေမှာ အဲဖရက်ရဲ့ တီထွင်မှုဟာ လိုအပ်ချက်ကို ဖြည့်ဆည်းပေးနိုင်တဲ့ တီထွင်မှုဖြစ်တာမို့ အဲဖရက်ကိုယ်တိုင်ဟာ ဘာကြောင့် လူ့အဖွဲ့အစည်းက မလိုလားသလဲဆိုတာကို အံ့သြနေခဲ့ရှာပါတယ်။
အဲဖရက်ရဲ့ ညီအစ်ကိုတွေဟာ ဒိုင်းနမိုက်ကြောင့် ရုရှားအင်ပါယာအတွင်း ရေနံရှာဖွေထုတ်လုပ်ရေး လုပ်ငန်းတွေကို အောင်အောင်မြင်မြင်လုပ်ဆောင်နိုင်ခဲ့သလို အဲဖရက်ကိုယ်တိုင်လည်း ဒိုင်းနမိုက်ကြောင့် စီးပွားရေးအရ အောင်မြင်လာခဲ့ပါတယ်။

အဲဖရက်ဟာ ဒိုင်းနမိုက်ထုတ်လုပ်ဖို့ စက်ရုံပေါင်းများစွာကို ကမ္ဘာတစ်ဝှန်းမှာ တည်ထောင်နိုင်ခဲ့ပြီး အဲဒီစက်ရုံတွေက ထုတ်လုပ်တဲ့ ထုတ်ကုန်တွေဟာ အဲဖရက်ရည်မှန်းသလို ခေတ်မီလူ့အဖွဲ့အစည်းတည်ထောင်ရန် လိုအပ်တဲ့နေရာမှာ သုံးကြရုံသာမက အဲဖရက်မမျှော်လင့်ခဲ့တဲ့ စစ်လက်နက်ပစ္စည်းတွေမှာပါ ထည့်သွင်းအသုံးပြုခြင်း ခံခဲ့ကြရပါတယ်။
ဒိုင်းနမိုက် မပေါ်ပေါက်ခင်က ယမ်းစိမ်းကဲ့သို့သော ရှေးရိုးပေါက်ကွဲပစ္စည်းများကိုသာ အသုံးပြုတဲ့ လက်နက်တွေဟာ တစ်ခါပေါက်ကွဲလျှင် တစ်စုံတစ်ယောက်သာ အထိအခိုက်ရှိနိုင်ခဲ့ပေမယ့် ဒိုင်းနမိုက်ပေါ်ပေါက်လာတဲ့အခါမှာတော့ အစုလိုက် အပြုံလိုက် သေကြေပျက်စီးစေနိုင်သော လက်နက်များပါ ပေါ်ပေါက်လာခဲ့ပါတော့တယ်။

သည်လိုနဲ့ ကောင်းတဲ့အကွက်ကို နည်းနည်းပဲမြင်ပြီး မကောင်းတာကိုပဲ များများမြင်တတ်တဲ့ လူ့အဖွဲ့အစည်းရဲ့ ထုံးစံအတိုင်း လူထုဟာ အဲဖရက်ကို အမြင်စောင်း၊ မကျေမနပ်ဖြစ်နေကြပါတော့တယ်။
ဒါပေမယ့် အဲဖရက်ဟာ ဒါကို ဂရုမပြုနိုင်သေးဘဲ သူရဲ့လုပ်ငန်းတွေကြားမှာပဲ နစ်မြုပ်နေခဲ့ပါတယ်။
၁၉၈၈ခုနှစ်မှာတော့ အဲဖရက်ရဲ့ ဘ၀ကို အလှည့်အပြောင်းဖြစ်စေမယ့် ဖြစ်စဉ်တစ်ခု ပေါ်ပေါက်လို့လာခဲ့ပါတယ်။

အဖြစ်အပျက်က ပြင်သစ်သတင်းစာတစ်စောင်ရဲ့ နာရေးသတင်းတစ်ခုပါ။
နာရေးသတင်းခေါင်းစဉ်ကတော့ “ သေမင်းတမန်ကုန်သည်ကြီး ကွယ်လွန်ရှာပြီ” လို့ဖြစ်ပြီး သတင်းထဲမှာတော့ ဒိုင်းနမိုက်တီထွင်သူ အဲဖရက်နိုဘယ် ကွယ်လွန်ပြီဖြစ်ကြောင်း လွဲမှားစွာ ရေးသားဖော်ပြခဲ့ပါတယ်။

နာရေးသတင်းထဲမှာတော့ အဲဖရက်ကို ဒိုင်းနမိုက်ဘုရင်ကြီး၊ သေမင်းတမန်ကုန်သည်ကြီး၊ သေခြင်းတရားပေါက်ကွဲမှုဖြစ်စဉ်ကုန်သည်ကြီး စသဖြင့် ဂုဏ်ပုဒ်များကို လှိုင်လှိုင်ဖော်ပြရေးသားခဲ့ပါတယ်။

မှားယွင်းမှုစစ်စစ်သော်လည်းကောင်း သို့မဟုတ် အရွဲ့တိုက်ရေးသားခဲ့ခြင်းသော်လည်းကောင်း ဖြစ်နိုင်ပေမယ့် ဘာပဲပြောပြော အမှားကောင်းတစ်ရပ်ဖြစ်ခဲ့ပါတယ်။
အဲဒီသတင်းကို ဖတ်မိလိုက်တဲ့အခါမှာတော့ အဲဖရက်ဟာ လူထုရဲ့အမြင်မှာ ကမ္ဘာလုံးဆိုင်ရာဗီလိန်ကြီးတစ်ဦးဖြစ်နေပြီဖြစ်ကြောင်း သူ့ကိုယ်သူ သတိထားမိလိုက်ပါတော့တယ်။

အဲဖရက်ဟာ သူ့ရဲ့ တီထွင်မှုအတွက် ၀မ်းနည်းစွာ ခံစားရပြီး သည်အတွက် ကမ္ဘာ့လူထုကို တစ်ခုခု ပြန်ပေးဆပ်ဖို့လဲ စဉ်းစားလိုက်မိပါတယ်။
ဒါ့အပြင် ခေတ်အဆက်ဆက် ကမ္ဘာ့သမိုင်းမှာ ဗီလိန်ကြီးတစ်ဦးအဖြစ် မှတ်တမ်းမတင်စေလိုတာလည်း စိတ်ထဲမှာ ဖြစ်ပေါ်လာခဲ့ပါတယ်။

နောက်ဆုံးမှာတော့ အဲဖရက်ဟာ သူ့ရဲ့ ပိုင်ဆိုင်သမျှငွေကြေးများကို ကမ္ဘာ့လူ့အဖွဲ့အစည်းအတွက် ကောင်းရာကောင်းကျိုးလုပ်ဆောင်သူများကို အသိအမှတ်ပြု၊ ဆုချီးမြှင့်ဖို့ အစီအစဉ်တစ်ခု ချမှတ်ခဲ့ကာ သေတမ်းစာတစ်စောင် ရေးသားပါတော့တယ်။
သည်လိုနဲ့ပဲ ယနေ့အခါမှာ ကျွန်တော်တို့ သိနေတဲ့ နိုဘယ်ဆုနဲ့ နိုဘယ်ဆုချီးမြှင့်ရေးဆိုင်ရာအဖွဲ့အစည်းတစ်ရပ် ပေါ်ပေါက်လာခဲ့ပါတော့တယ်ခင်ဗျာ။

အဲဖရက်နိုဘယ်နှင့် ပတ်သက်၍ စိတ်ဝင်စားဖွယ် အချက်အလက်များ
- - ဆေးလိပ်မသောက်၊ အရက်မကြိုက်၊ ဖဲမရိုက်၊ လောင်းကစားမလုပ်။
- - ဆိတ်ငြိမ်အေးချမ်းသော ဘ၀ပုံစံကို ကြိုက်နှစ်သက်သော်လည်း ဘ၀တစ်လျှောက်လုံး ရှုပ်ထွေးစည်ကားသော မြို့ပြဘ၀တွင်သာ ကျင်လည်ခဲ့ရ။
- - မိခင်ဆွီဒင်ဘာသာစကားအပါအ၀င် အင်္ဂလိပ်၊ ရုရှား၊ ဂျာမန်၊ ပြင်သစ် စသော ဘာသာစကားများကို ကျွမ်းကျင်စွာ ပြောဆိုနိုင်။
- - တေးသီချင်း၊ ၀တ္ထုနှင့် ကဗျာလင်္ကာအချို့ ရေးသားသီကုံးခဲ့။

Credit -Original Writer

Aye Chan Mon

*****ကမ္ဘာမှာမျိုးချစ်စိတ် နိင်ငံချစ်စိတ် စံပြနိုင်ငံ*****

*****ကမ္ဘာမှာမျိုးချစ်စိတ် နိင်ငံချစ်စိတ် စံပြနိုင်ငံ*****

........လူငယ်တွေကို ဖတ်ကြည့်စေချင်တယ်

၂၄ ၂ ၂၀၁၄ နေ့ညက ဥတ္တံတားကျေးရွာ စာပေဟောပြောပွဲမှာ ဆရာမောင်စိန်ဝင်း
(ပုတီးကုန်း) ပြောသွားတာလေးပါ။

ဂျပန်နိုင်ငံဆိုတာကမ္ဘာမှာမျိုးချစ်စိတ် နိင်ငံချစ်စိတ် စံပြနိုင်ငံပါ။
ဒီလိုမျိုးချစ်စိတ်လူတိုင်းမှာဖြစ်လာအောင် ကျုပ်တို့နိင်ငံလို ဆိုင်းဘုတ်တွေ ဆောင်ပုဒ်တွေပဲချိတ်ဆွဲခဲ့တာမဟုတ်ဘူး။ ဂျပန်မှာချယ်ရီပန်းတွေပွင့်တဲ့အချိန် ပန်းကြည့်ပွဲလုပ်တယ်။ ကျောင်းတွေပိတ်တယ်။ ဒီလိုပဲသစ်တောကြည့်ပွဲ မြစ်ကြည့်ပွဲ ဖူဂျီတောင်ကြည့်ပွဲတွေလုပ်တယ်။

ဆရာဆရာမတွေကတပည့်တွေကိုခေါ်သွားတယ်။ မိဘတွေကခလေးတွေကိုခေါ်သွားတယ်။ ဟိုရောက်ရင် ခလေးတွေကိုပေးဆော့တယ်။ မုန့်တွေကြွေးတယ်။ ခလေးတွေအရမ်းပျော်တာပေါ့။
ပြီးတော့မှဆရာမတွေကမေးတယ်။ သားတို့သမီးတို့ပျော်ကြလားပေါ့။ ခလေး
တွေကပျော်တာတယ်ပေါ့။ ဒီတော့ဆရာတွေကထပ်မေးတယ်။ ဒီပန်းပင်တွေ ဒီသစ်တောတွေ ဒီမြစ်ကြီးတွေ ဒီဖူဂျီတောင်ကြီးတွေ မရှိတော့ရင် ကလေးတို့ပျော်ပါ့မလားပေါ့။ ဒီဟာတွေအမြဲရှိနေစေချင်လားပေါ့။
ကလေးသဘာဝအမြဲရှိနေစေချင်တယ်ပဲဖြေကြတာပေါ့။ ဒီတော့ဆရာတွေကထပ်
မေးတယ်။ မင်းတို့အမြဲရှိနေစေချင်တာတွေကို တစ်ခြားနိုင်ငံက တစ်ခြားလူမျိုးတွေ လာပြီးလုယူမယ်။ ဝယ်ယူမယ်ဆိုရင်ရောလို့မေးတော့ ကလေးတွေက မပေးဘူး ရိုက်ထုတ်မယ် မောင်းထုတ်မယ်။ ဒါမျိုးဖြေကြမှာပဲလေ။

အဲဒီလို ငယ်ငယ်လေးကတည်းက သစ်ပင်သစ်တောတွေ မြစ်တွေ တောင်တွေကစပြီး
ကိုယ့်လူမျိုးကိုယ့်နိုင်ငံကို နှလုံးသားထဲ စွဲစွဲမြဲမြဲ ချစ်တတ်အောင်သင်ခဲ့ကြတာတဲ့။

အဲဒီကလေးတွေကြီးလာလို့ အရာရှိပဲဖြစ်ဖြစ်၊ လုပ်ငန်းရှင်ပဲဖြစ်ဖြစ် နိုင်ငံခေါင်းဆောင်ကြီးတွေပဲဖြစ်ဖြစ် တစ်ခုခုဖြစ်လာခဲ့ရင် သစ်တောတွေ တောင်တွေ မြစ်တွေ သယံဇာတတွေကို တစ်ခြားနိုင်ငံ
ရောင်းစားမယ့်လူတွေ ဘယ်တော့မှမဖြစ်လာနိုင်တော့ဘူးတဲ့။

ဒါလေးဖက်ကြည့်ပြီးသဘောကျရင် တစ်ခြားသူတွေလည်း ဖတ်ရအောင်
Share ပေးလိုက်ပါ။

— with Ye Yint Ni, Virous King and Wai Lin Aung.

*****သုခပေး၍ ပျော်ရွှင်ပါ*****

*****သုခပေး၍ ပျော်ရွှင်ပါ*****
အမတ်ကြီးနဲ့ဘုရင့်သားဟာ တစ်နေ့တော့ တိုင်းခန်းလှည့်လည်လာရင်းနဲ့ချောင်းတစ်ခုနားကို ရောက်တော့ အ၀တ်ပုံတစ်ခုကိုတွေ့သတဲ့။
အဲဒီအ၀တ်ပုံမှာ အပေါ်ဝတ်အကျီတစ်ထည်နဲ့ ပုဆိုးအစုတ်နှစ်ထည်ကိုတွေ့ပါတယ်။
ဘုရင့်သားက စုတ်ပြတ်နေတဲ့ အ၀တ်ပုံကိုကြည့်ပြီးတော့

"အမတ်ကြီးကြည့်ပါ ဒီအ၀တ်ပုံဟာ ဆင်းရဲသားတစ်ယောက်ရဲ့ အ၀တ်ပုံဖြစ်ရမယ်။အ၀တ်တွေဒီနားမှာ ထားသွားတာကိုကြည့်ရတာ သူရေချိုးနေပုံရတယ်"

အမတ်ကြီးက ပြုံးနေတယ်။
ဘုရင့်သားကပဲ

" အမတ်ကြီး ဒီရေချိုးနေတဲ့ ဆင်းရဲသားရဲ့ အ၀တ်တွေကို ဖွက်ထားပြီး ချုံပုတ်တစ်ခုထဲကနေ ချောင်းကြည့်နေရရင် မကောင်းဘူးလား။
သူတက်လာလို့ အ၀တ်တွေပျောက်သွားတာကို မြင်ရင်တော်တော်ရယ်စရာကောင်းတဲ့ရုပ်ဖြစ်နေမှာ "

အမတ်ကြီးက မင်းသားအား

"အရှင့်သား လူတစ်ဦးတစ်ယောက်ရဲ့ ၀မ်းနည်းပူဆွေးနေမှုကို ကြည့်၍ ပျော်နေတယ်ဆိုတာ သူတော်ကောင်းတွေမဟုတ် တကယ်လို့ အရှင့်သားအနေနဲ့
အရမ်းပျော်ချင်နေတယ်ဆိုရင် ဒီလိုလုပ်"

အမတ်ကြီးက ရွှေပြား ၂ ပြားအား မင်းသားကို ထုတ်ပေးလေသည်။မင်းသားက အမတ်ကြီးအားနားမလည်သလိုကြည့်၏။
အမတ်ကြီးက

"အရှင့်သား ဒီရွှေ၂ပြားအား ထိုဆင်းရဲသားရဲ့ အ၀တ်ပုံထဲက အ်ိပ်ကပ်နှစ်ခုမှာ တစ်ဖက်တစ်ပြားစီထည့်လိုက်ပါ"

မင်းသားလဲ သွားထည့်လိုက်၏။ထို့နောက် သူတို့နှစ်ဦးသစ်ပင်အကွယ်တွင်စောင့်ကြည့်နေကြသည်။မကြာမီဆင်းရဲသားရေထဲမှပြန်တက်လာသည်။အရင်ဆုံး ပုဆိုးကို ရေလဲပြီးဝတ်လိုက်သည်။

ထို့နောက် အကျီ်င်္ကို ကောက်ဝတ်လိုက်သည်။ပြီးနောက် အကျီ်အိတ်ထဲတစ်ခုခုရှိနေသလို ခံစားမိသဖြင့် လက်နှိုက်လိုက်လေသည်။ထိုအချိန်မှာ အိတ်ကပ်ထဲက ရွှေပြားကိုတွေ့သည်။

သူအရမ်းပျော်မြူးသွားသည်။မယုံနိုင်သလိုထိုရွှေပြားကို ပွတ်ကြည့်၏။ ကိုက်ကြည့်၏။ ဆင်းရဲသားကားပျော်ရွှင်မြူးတူးနေ၏။ထို့နောက်ပြန်လှည့်အထွက်မှာ နောက်အိတ်ကပ်တစ်ခု
လေးနေသည်ကိုသတိထားမိ၏။

လက်နှိုက်ကြည့်ပြန်၏။ရွှေပြားတစ်ပြားထွက် လာပြန်၏။ထိုအချိန်တွင် ဆင်းရဲသားက မြေကြီးပေါ်ဒူးထောက်ထိုင်ချပြီး လက်အုပ်ချီကာ ကောင်းကင်ကို မော့၍

" အို အကျွနုပ်အား ဖေးမကူညီကျသော နတ်ဒေ၀ါအပေါင်းတို့ အကျွန်ုပ်အိမ်တွင်
နေမကောင်းဖြစ်နေသော ကျွန်ုပ်အမေအား အသင်တို့စောင့်ရှောက်ပေး၏။စားစရာမရှိသောကြောင့် အားအင်ပြတ်လပ်နေသော ညီမလေးအားလဲ အသင်တို့ စောင့်ရှောက်၏၊သင်တို့အား အထူးကျေးဇူးတင်ပါ၏"

ဟုဆိုကာ ဦးသုံးကြိမ်ချ၍
ပျော်ရွှင်စွာပြန်သွားလေသည်။

ထိုအဖြစ်ကိုကြည့်ပြီး ဘုရင့်သားမျက်ရည်ကျ၏။အမတ်ကြီးကား ပြုံးနေ၏။မင်းသားက

" အမတ်ကြီးယနေ့ကျွန်တော့်အား မမေ့နိုင်တဲ့ သင်ခန်းစာတစ်ခုကို သင်ပေးလိုက်ပြီ"

ဟုပြော၏။အမတ်ကြီးက

"အရှင့်သား လူတွေကို ဒုက္ခပေးပြီးမှ ပျော်ရတာထက် သုခပေးခြင်းဟာ တကယ့်ပျော်ရွှင်ခြင်းအစစ်မည်ပေသည် " အရှင့်သားအဖို့မှတ်သားထားပါလေ"။

မောင်စိုင်း